 |
| الفنان محمد صلاح ادم |
كتب : ياسر حماد
وجه الفنان محمد صلاح ادم رسالة للرئيس عبد الفتاح السيسي و الدكتور أشرف زكي نقيب الممثلين ولرجل الأعمال تامر مرسي رئيس مجلس إدارة الشركة المتحدة للخدمات الاعلامية و جميع شركات الإنتاج في مصر من مستشفى الصدرعبر حسابة الشخصي على الفيسبوك بعد التأكد من اصابتة بفيروس كورونا واحتجازة بالعزل الصحى لتلقي العلاج.
وجاءت رسالتة التالي : ” بكتبلكم وانا على سريري في مستشفى صدر العباسية وبعد عمل أشعة مقطعية على الصدر اللي أكدت اني أصيبت بالوباء اللعين وقالولي اتأخرت ليه .. و تابع قائلاً : ” يمكن تكون آخر كلمات ليا في الدنيا دي .. اترددت كتير بس لقيت نفسي مش قادر وبكتب .. لاني حسيت احساس غريب حسيت اني مش خايف من الموت .. انا خايف اني اموت قبل ماشوف النجاح .. استغربت وقولت لنفسي انت مش خايف من الموت ؟؟؟ قولت والله لا .. انا خايف اموت قبل ماشوف نجاحي .. بلدنا بقى الحلم فيها .. إنك بس تشتغل .. أنت بس بتحاول طول الوقت إنك تشتغل .. وتخبط على البيبان وكل البيبان بتتقفل في وشك .. شباب في أول عمرهم وشباب بقوا رجال ورجال أصبحوا كهول وسيدات موهوبين خريجين المعاهد والكليات الفنية وماوقفوش أمام كاميرا ، واللي هاجر واللي اكتأب واللي انتحر ، أجمل مافي الوجود الحلم والطموح وأقبح مافي الوجود عدم تحقيق الحلم أو الطموح ده .. ارجوكم يا أصحاب الاختيار في شركات الإنتاج من المخرجين ومساعديهم او مديري الإنتاج أو المنتجين الفنيين او المشريفين على الانتاج او أصحاب الورش الفنية أو الكاستينج دايريكتور أو صاحب المنتج الفني أو الموهوبين في مصر كتيييير واللي ضيعوا عمرهم في حب الفن ودراسته سنين كتييييير لكن معندهمش واسطة ولاصاحب ولا قريب مخرج ولا منتج ولا منتج فني ولا إبن نجم برضه كتييييير قوي .. أنا كل اللي بتمناه العدل أن الموهوبين دول ياخدوا فرصة من الفرص الكتير قوي دي معرفش ازاي ممكن يتحط النظام اللي بيه كل الموهوبين الدارسين أعضاء نقابة المهن التمثيلية ياخدوا فرصة .. واللي يثبت نفسه يكمل واللي مايثبتش نفسه الجمهور هايقول عليه لا بس بعد ما يكون اخد الفرصة .. فكرت ولقيت ان أنسب حل .. وانا يمكن ماحضرش تنفيذه أو حتى الموافقة عليه ، هو عمل بروتوكول ملزم بين الدكتور اشرف ذكي بصفته نقيب فنانين مصر ورئيس اكاديمية الفنون المصرية .. على فكرة اكاديمية الفنون في امريكا هي اللي بتدي الاوسكار .. والأستاذ تامر مرسي بصفته رئيس مجلس إدارة الشركة المتحدة للخدمات الاعلامية اكبر وأهم شركة انتاج في الشرق الأوسط .. وانا عندي ثقة كبيرة فيهم وفي قائدنا الحكيم المخلص السيد الرئيس عبد الفتاح السيسي اللي اكيد هايرحب بالعدل أو شكل من أشكال تحقيق العدالة ، ويارب لو اتحقق الحلم ده ،وكنت يعني لاقدر الله مت ابقى مت وانا مستريح وسيبت لاولادي مايفخروا بيه بروتوكول الموهوبين محمدصلاح آدم ممثل اول وزارة الثقافة المصرية وخريج أكاديمية الفنون المعهد العالي للفنون المسرحية قسم التمثيل والإخراج بتقدير جيد جدا .
إرسال تعليق