زفــة شـهـيـد
لساكى جاعدة مجعمسة تحت الشجر جومى يا بهية و انعسى دا الوقت طال جالت يا خيي ولدى لساه ما جاش راح يحمى ارضه و تانه راجع و هو راح ما جاش ليه سنه مستنظرة و لساه ما جاش شوفى يا بهية مين اللى جايلك من بعيد دى بينها زفة عريس جالت بهية ايو الله صح دى بينها زفة عريس واه. واه. دا بين ولدى هو العريس جالبى يا ولدى بجيت شهيد جتالوك يا ولدى بغدرهم و الدم سال يروى الرمال جالوا ولدك كان بطل يا ما جتل منهم كتيير ليه يا بهيه الدمع سال جومى يا بهيه بطمى نيلك اتكحلى و بوردة بلدى اتزينى أ. و جابلى العريس جومى يا عافية و احضنى ارضك و نيلك اللى عشانهم ولدك بجى هو العريس وااااد يا جناوى بطل حكاوى دى الزفة جاية مجربة و عرايسة نازلة م السما باسو الجبين خدى يا بهيه اتحنى ياله جالت بهيه إ. بدم ولدى احنى كفى عااااجلى يا ولدى جالبي من بين ضلوعى انخلع اسندنى يا خيي رجلية ما شيلانيش ليه كتير مستنظرة أ و جايلى عريس و الزفة فيها ناس كتير كل العرايس دول يا ولدى جولى اخترت مين واد يااا جناوى غنى الغناوى حيي العريس جياه ملايكة م السما فرحانه بيه و عرايسه ليه متشوجين جالت بهيه سيبنى و رايح في السما استنى يا ولدى هاحضنك حضنى الاخير افرح يا ولدى افرح يا ولدى وسيب فى جالبي الف اه و اه نارها جايده ما هتنطفيش نادرا عليه لاخد بي تارك و احنى رجلى بدم الخسيس
.
.
شـعـر: هـنـد فـؤاد
إرسال تعليق