ايوه غالي.. غالي ع قلبي واغلي من حياتي
ده الوحيد اللي كان جنبي وسامع كل اهاتي
ف الفرح والوجع محدش مشاركني غيره
ويوم بس ما بقع الايد اللي بلاقيها بتكون أيده
قولولي ازاي ميكنش غالي ده مفيش ثانيه بتعدي غير وهو ع بالي
نفسي تشوف نفسك ف عيوني وقد ايه انت جميل
ولو كل الناس ف حبك لاموني طب بس هو فين الدليل
هاتولي دليل واحد ع اللوم ف حبه ما اصل محدش فيكوا شاف جمال قلبه
هو الخير اللي جالي وعوض ربنا ليا والوحيد اللي بتمناه يبقالي وتدوم جواه الحنيه
ميهمنيش الناس شايفينك ازاي كفايه اني بشوفك انك اجمل حاجه فيا .
محدش عرف يفهمني ولا يحتويني غيرك ومن كل قلبي بدعيلك
وبدعي ينقص من عمري ويزيدك
مهما اقول مش هعرف اوصف مدى حبي ليك
لكن حقيقي من يوم معرفتي بيك
وانا بقيت بخير
وحولت اكتئابي والاوضه المقفوله لحد حابب الحياه والضحكه علي وشه مرسومه
شكرا انك ف حياتي.. وبقولك وهقولك تاني ايوه انت حقيقي غالي
إرسال تعليق