شكرا علي حاجات كتير واولها مفيش حاجه اتصانت
شكرا علي الآذيه والحاجات الوحشة الي في حقي اتقالت
مين فيكم فكر يشيل عني الوجع
مين فضل فضل جنبي وانا لسه برضه بتوجع
دانا ياما ضحيت بناس كتير وفي النهايه ضحوا بيا
خدوا من الحلو الكتير وردوا جمايلي آذيه
وسابوني سابوني انسان فاضي من جوه
كل يوم بسال نفسي وفي عز حزني وقلة حيلتي واقول؟
مش فاكرين حاجه حلوه ليا معقول 🤦♂️مش فاكرين حاجه حلوة ليا معقول
ومن غبائي كان قلبي لسه باقي
وأقول مليش غيرهم
وفي وقت انكسارى ملقتش ايد واحده بس منهم
تطبطب عليا وهو العشم بينا اى غير شوية حنيه
وكسره خاطرى مش بالساهل
وان قلبي كان مغفل وجاهل
لما اختاركم كان نفسي أتحب زي ماحبيتكم
كسرتوا بعشمي وقولت عادي
بس ازاى ازاى هونت عليكم للدرجاي
خدتوا النور الي جوايا ومشيتوا
وسبتولي شعاع فيه بقيتوا
آثر سلبي💔
بس عارفين لما ماتحتاجوني هكون جنبكم
مع أن ملقتش حد فيكم جنبي
كنت بقول عليكم أقرب ليا من نفسي
كنت بقول فيكم شعر وأنتم بتعيبوا في حقي
وان الشدة علمتني فعلا
أن مش اى حد يتقال عليه كلمة صحبي
كان نفسي اقول وحشني تكونوا معايا
بس الحزن الي سبتوه جوايا
وقلبي الفاضي
بقي قاسي وعايز ينساكم وينسي الماضي
وبقي شئ أساسي اى حاجه تحصلي اقول عادي
ماهو لما الضربه تجيلك من أقرب الناس ليك وتتلدع
ساعتها بس هتعرف اد أي معني الوجع شكرا
إرسال تعليق